ستقفون مذهولين أمام عبدالله الذي ينتظر أسئلتكم

[موسيقى] اليوم عمرك 15 سنة 15 سنة إذا بدي أرجع معك أختصر معك هالـ 15 سنة من حياتك بودي، أي ثلاث ثلاث محطات مأثرين بحياتك بعدك اليوم بتذكرهم شو هن؟ لما أكون عم بتفرج على رفقاتي هن وعم يلعبوا وهن مبسوطين وأنا قاعد على الـ wheelchair أو شي. أول فرع. ثاني وحدة في شخص بالمسبح قال لي إنه أنت ما بتنفع بهيك مجال ولازم تسبح بمطرح صغار، مطرح مش هون. ثالث مطرح هي لما شفت رفقاتي عم يلعبوا فوتبول وأنا قاعد على جنب عم بتفرج إنه هن عم يلعبوا وأنا قاعد. فهودي ثلاثة مستحيل أنساهم حتى لو أنا كنت صغير. إرجع لي على أول مرة لما قلت لي أنا ولد صغير قاعد وأصحابي عم بيلعبوا. ليه بعد هاللحظة معلقة براسك لليوم وصرت مراهق عمرك 15 سنة؟ لأنه أنا من وقتها بلشت فكر إنه ليه أنا غير؟ يعني ليه أنا قديه كان عمرك؟ ست سنين. فهون هون لاحظت إني أنا مختلف. إنه رفقاتي بيمشوا، رفقاتي بيركضوا، رفقاتي بيلعبوا وأنا كنت إسحف على الأرض بالبيت. كنت تسحف لتقدر تتحرك؟ أقدر أتحرك. بعد عمليات. عمليات شو؟ بتذكرها؟ عم بتقول لي كان عمرك ست سنين، خمس سنين. ما بتذكر العملية بس خبروني عنها. عملت عمليات لإيديي، عمليات بتر من تحت لأنه كان عندي أنا إجرين بس يعني نموهم واقف ما بينموا. كانت لهون كانوا الإجرين. كان كثير صغار كثير، فاضطرينا نعملهم بتر ليظبط الأطراف الصناعية. ثاني مرحلة بحياتك بعدك مذكّرها لليوم قلت لي لما كنت بدك تسبح. قديه كان صار عمرك هون؟ ثمان سنين. كان عمري ثمان سنين وكنت مدرب شوي قبل. بالخمس سنين قلت لي كنت عم بسحف. إيه. كيف بعمر ثمان سنوات كنت عم تسبح؟ بهذه الفترة بالثلاث سنين صرت بدي إمشي بالبيت. بدي بدي إمشي. فبلشت بالبيت، لأرايبيني، لجيراني، لحتى وصلت لخارج هذا المحيط لبلش أعمل رياضة لحتى قوي حالي، قوي نفسي. بهذه الحادثة هو اللي هو الشخص إجا قال لي أنت ما لازم تسبح هون. لازم تسبح مع الصغار لأنه أنت ما فيك تسبح. أنا هون تضايقت يعني، زعلت، قعدت على جنب. بعد شوي قمت لعنده. قلت له بدي أتسابق معك. شخص يعني ولد أو أو يعني عمر بين عمر 12، 13 سنة. وأنت عمرك ثمانية؟ ثمانية. قلت له بدي بدي أتسابق أنا وإياك بسباحة؟ وسبقته. أنت عمرك ثمانية من دون إجرين وهو عمره 12 وسبقته. فكثير إجا اعتذر مني وحبني وصار بده يتعرف علي أكثر، يعرف حياتي أكثر. ليه بعد هاللحظة معلقة براسك لليوم وصرت مراهق عمرك 15 سنة؟ لأنه أنا من وقتها بلشت فكر إنه ليه أنا غير؟ يعني ليه أنا قديه كان عمرك؟ ست سنين. فهون هون لاحظت إني أنا مختلف. إنه رفقاتي بيمشوا، رفقاتي بيركضوا، رفقاتي بيلعبوا وأنا كنت إسحف على الأرض بالبيت. فأنا هون ما بعرف، حسيت حالي شوي عم عم بنتقل من مرحلة الضعف لمرحلة القوة. بأول لقاء مع الصبية اللي رح يدق لها قلبها رح تكون حاطط أطراف صناعية أو لا؟ لا، لأنه ما بستحي باللي أنا فيه، أنا بفتخر باللي أنا فيه. بس كل شخص، كل إنسان لما بكون أول لقاء بده يعطي أحلى صورة عنه وبيغطي كل شي في عيوب عنده إياه. أنا أنا هي أحلى صورة عندي. أنا صورتي بلا بلا الإجرين أحلى من صورتي مع الإجرين. [موسيقى]

ول لقاء بده يعطي أحلى صورة عنه وبيغطي كل شي في عيوب عنده إياه. أنا أنا هي أحلى صورة عندي. أنا صورتي بلا بلا الإجرين أحلى من صورتي مع الإجرين. [موسيقى] أوف يلا. [موسيقى]

حلى صورة عنه وبيغطي كل شي في عيوب عنده إياه. أنا أنا هي أحلى صورة عندي. أنا صورتي بلا بلا الإجرين أحلى من صورتي مع الإجرين. [موسيقى] أوف يلا. [موسيقى] مرحبًا، ينعاد عليكم جميعًا بالصحة والعافية. إن شاء الله كل سنة وأنتم بخير. المجتمع عنا بيطلع على الإنسان بجسمه، ما بيطلع عليه بعقله. أنا اليوم هون لأحكي ولبرهن إنه الإنسان لازم يتطلع على المجتمع بعقله، وإنه هو بيشتغل بعقله، وإنه هو رح يوصل كمان بعقله. اليوم الإنسان اليوم أنا عبد الله ياسين، إنسان خلق من 15 سنة مبتور الأطراف. أكيد أهلي تفاجأوا بهذا الشيء، تفاجأوا إنه ابنهم خلق بدون أطراف، وعنده كمان نقص بالأصابع. أنا هون خضعت لكثير عمليات بعمر صغير، بعمر تقريبًا بين السنتين كان عندي كثير عمليات. لما كبرت شوي صرت مثل كل الأولاد الصغار، كل ولد صغير بده يسأل أهله أسئلة لأنه ببلش يوعى على الحياة، ببلش يوعى على كل شيء حوله. أنا هون لما بلشت شوي أوعى، بلشت لاحظ إنه في شيء مختلف بيني وبين الناس الثانيين. بلشت لاحظ إنه أنا غير الناس، أنا في شيء مختلف. صرت إسأل أهلي أسئلة كثير غريبة، أسئلة ممكن زعجت أهلي شوي، ممكن خلتهم يحسوا إنه مثل ذنب أو شيء. فأهلي كانوا عم بيحاولوا قد ما فيهم يخبوا عني هذا الشيء، يحاولوا يخلوني أتأقلم أكثر مع حالتي مع الناس الثانيين. فتت على المدرسة كمان حسيت بهذا الاختلاف أكثر وأكثر. لحتى مرقت بثلاث مراحل، هذه الثلاث مراحل هي تقريبًا اللي غيرت كل شيء بحياتي، هذه الثلاث مراحل اللي خلتني أحس فعلاً إنه أنا ممكن كمل حياتي بدون أطراف. أول مرحلة هي بالمدرسة، كنت قاعد أنا على جنب على الـ wheelchair وكانوا رفقاتي عم يلعبوا بالملعب. فأنا هون كنت بعمر تقريبًا خمس سنين، ست سنين، صرت إسأل إنه أنا ليه أنا قاعد ورفقاتي عم يركضوا؟ رفقاتي عم يلعبوا؟ رفقاتي مبسوطين؟ فهذه كانت المرحلة الأولى بحياتي الصعبة لأنه صعبة إنك تكون ولد وقاعد على جنب مش مبسوط، مش عم تلعب مع رفقاتك. ثاني مرحلة هي مرحلة صارت معي بعمر التسع سنين تقريبًا أو ثمان سنين. كنت بالمسبح وقرب لعندي شخص، هذا الشخص إجا لعندي قال لي أنت ما لازم يكون مطرحك هون، أنت لازم يكون مطرحك مطرح الصغار يعني إنه بطريقة استهزاء. أنا هون كنت بعرف إسبح لأنه كنت ممرن قبل شوي على طريقة سباحة وهيك. فأنا هون حطيت براسي إنه أنا ليه بدي أسكت له؟ ليه أنا ما بدي فرجيه إنه أنا عكس ما هو مفكر، عكس ما هو إنه مفكر إنه أنا ما ممكن أعمل شيء. أنا هون حطيت براسي إنه بدي فرجيه إنه الإنسان مهما كان عنده حالة ممكن يوصل. نزلت وسبحت وتحديته لهذا الإنسان وكمان سبقته بالسباحة. ثالث مرحلة هي مرحلة الفوتبول. هذه اللعبة اللي اسمها فوتبول يعني كرة قدم، هي بالإجرين. أنا هون وقفت قدام رفقاتي، رفقاتي عم يلعبوا فوتبول وأنا عم بتفرج عليهم كمان بحصة الرياضة. كان أول هذا كان أكبر تحدي لي، إنك تعمل شيء بشيء منه موجود عندك، إنك تلعب فوتبول وأنت ما عندك إجرين. هذا كان تحدي كثير كبير لي، كان التحدي الأصعب لي لحتى نزلت عن العرباية، عن الـ wheelchair، نزلت ولعبت مع رفقاتي وفرجيتهم إنه أنا في إلعب، وفرجيت حالي إنه أنت بعدين رح توصل. فرجيت حالي إنه أنت إلك مستقبل وإنه ما في شيء ممكن يوقف بوجهك. أنا هون بلشت حياتي تتغير، بلشت نظرتي لإلي تتغير، بلشت نظرة عبد الله ياسين لعبد الله الصغير الضعيف اللي بيفكر إنه هو خلص هذه حياته ما رح يكفيها، حياته خالصة. بلش يتغير عبد الله ياسين ليوصل لعبد الله ياسين اللي رح يوصل، عبد الله ياسين القوي، عبد الله ياسين اللي عنده إرادة. فتت على مدرسة جديدة تغيرت كمان علي كل، تغير علي كل شيء، تغير الرفقة، تغيرت كمان نظرة الرفقة إلي، كانوا رفقاتي متقبليني شوي بهذه الفترة. لما رحت على مدرسة ثانية كمان صار في صعوبات جديدة، صار في نظرات شفقة جديدة من قبل المدرسة لأنه عم بيشوفوا شيء جديد بحياتهم، شيء جديد بالمجتمع اللي هن عايشين فيه، شيء هن ما معودين إنه يتقبلوه. لما فتت على هذه المدرسة حطيت براسي إنه أنا ما بدي أهتم لحكي لحكي غيري، أنا بدي فرجيهم إنه هذا الشيء ثاني، إنه أنا إنسان مختلف، أنا إنسان ما بيوقف على شيء وممكن يوصل لهدفه. فرجيت تفوقي العلمي بهذه بهذه المدرسة، فرجيت تفوقي الرياضي وشاركت معهم بعدة نشاطات خلال هذه السنتين اللي قعدت فيهم بهذه المدرسة لحتى ظهرت من هذه المدرسة كل العالم فيها بتحبني، كل التلاميذ بتحبني، كل التلاميذ بتحب إنه تضل معهم ما أظهر منها. كفيت حياتي، رجعت رجعت على الجنوب على مطرح ما خلقت، رجعت على الجنوب وبراسي في هدف إنه أنت تكمل، إنه أنت

ني، كل التلاميذ بتحب إنه تضل معهم ما أظهر منها. كفيت حياتي، رجعت رجعت على الجنوب على مطرح ما خلقت، رجعت على الجنوب وبراسي في هدف إنه أنت تكمل، إنه أنت وأنت توصل، وأنت يكون عندك هذه الإرادة لتواجه كل شيء ممكن يكون بوجهك.

على الجنوب على مطرح ما خلقت، رجعت على الجنوب وبراسي في هدف إنه أنت تكمل، إنه أنت وأنت توصل، وأنت يكون عندك هذه الإرادة لتواجه كل شيء ممكن يكون بوجهك. بلشت صرت انخرط أكثر بالمجتمع، فتت بالكشاف لحتى أكون أنا فرد من هذا المجتمع، لحتى أقدم خدمات اجتماعية، مش الناس بس تقدم لي، أنا أقدم للناس، أنا أعطي الناس. بعدين صرت شارك بنشاطات كثير على مستوى الضيعة، على مستوى الجنوب. شاركت ببطولة بالسباحة على مستوى الجنوب، وكانت أخذت مرتبة أولى على مستوى الجنوب. شاركت برياضات ثانية كمان، فوتبول، باسكت بول بالمدرسة، بينغ بونغ. كثير رياضات يعني ما ممكن حدا يتخيل إنه أنا ممكن أعملها. بس عملتها، وإن شاء الله بعدين ممكن أعمل أحسن منها. كمان كفيت حياتي طبيعية، كفيت كفيت بالمجتمع، كفيت بالمدرسة. وفرجيت تفوقي بالمدرسة،

أنا ممكن أعملها. بس عملتها، وإن شاء الله بعدين ممكن أعمل أحسن منها. كمان كفيت حياتي طبيعية، كفيت كفيت بالمجتمع، كفيت بالمدرسة. وفرجيت تفوقي بالمدرسة، وفرجيت تقدمي بالمدرسة، إنه الإنسان مش ضروري كان يكون عنده جسم كامل لحتى يكتب، ما ضروري يكون عنده جسم كامل لحتى يأخذ شهادة، ما ضروري يكون عنده جسم كامل لحتى يبين تفوقه على القليلة بالمدرسة. تفوقت بالمدرسة، جبت علامات عالية، قدمت على شهادة المتوسطة على البريفيه، وجبت درجة جيد جداً. أنا هون كثير انبسطت إنه أنا فرجيت العالم، وفرجيت حالي إنه أنا ممكن أوصل، عملت تحديت حالي، ونجحت بهذا التحدي، كان تشالنج كثير حلو، وكثير صعب، وكثير انبسطت إني وصلت له. شيلنار من لبنان، شو سبب حالتك الصحية؟ الصراحة يعني أنا ما بعرف شو سبب حالتي الصحية، أنا خلقت عندي بتر بالأطراف مع إنه

ر صعب، وكثير انبسطت إني وصلت له. شيلنار من لبنان، شو سبب حالتك الصحية؟ الصراحة يعني أنا ما بعرف شو سبب حالتي الصحية، أنا خلقت عندي بتر بالأطراف مع إنه لما ماما كانت حامل فيّ ما كان مبين إنه أبداً في شيء، بس بعد الولادة بين إنه عندي هذه الحالة، بس أنا الصراحة يعني ما بحب أسأل عن الموضوع، بس ما بعرف الصراحة شو سبب هذه الحالة. فاتن من الرياض، أكثر لحظة بكيت فيها؟ أكثر لحظة بكيت فيها كانت لحظة كثير مؤثرة الصراحة، هي لما كنت مشارك بنشاط بجمعية، وشفت أهلي عم يبكوا، من الفخر طبعاً. هذه كانت لحظة كثير صعبة، كثير حلوة، وبكيت فرحاً يعني بسبب هذا الفخر. سعاد من لبنان، كيف تغلبت على كل الصعوبات؟ الصعوبات اللي واجهتها أنا بحياتي، تغلبت عليها بإيماني بثقتي بحالي. الإنسان بس يوثق بحاله ما في شيء راح يوقف بوجهه.

ن لبنان، كيف تغلبت على كل الصعوبات؟ الصعوبات اللي واجهتها أنا بحياتي، تغلبت عليها بإيماني بثقتي بحالي. الإنسان بس يوثق بحاله ما في شيء راح يوقف بوجهه. آمنت بالله حدي، آمنت بأني أنا ممكن أوصل، ووثقت بحالي، ووثقت بقدراتي، ووثقت بجسمي مثل ما هو، ووثقت بعبد الله مثل ما هو، ما بيهم عبد الله كيف كان شكله، كيف هو شكله، المهم كيف بيطبق بهذه الحياة. أكثر سؤال مؤلم من الناس؟ هو مش الأسئلة مش كثير بتأذيني يعني، هلا بهذه الفترة، بس المؤلم هو نظرة الشفقة من الناس، يعني لما الإنسان بينظر لك نظرة شفقة، أكيد راح تكون مؤلمة وصعبة، لأنه أنت غير هيك كلياً، غير هذه الشخصية. أصعب موقف تعرضت له؟ المواقف لما أنا على الويل تشير، لما أنا أكون بمطارح ما فيها، ما مأمن الأسانسير، ما مأمن يكون في أدراج، هذه كثير مواقف صعبة بتكون بالنسبة لي.

تعرضت له؟ المواقف لما أنا على الويل تشير، لما أنا أكون بمطارح ما فيها، ما مأمن الأسانسير، ما مأمن يكون في أدراج، هذه كثير مواقف صعبة بتكون بالنسبة لي. كيف يمكن أن تقاوم نظرات الشفقة؟ بس بقول لهم شغلة واحدة للي بيشوفني بنظرة شفقة، إذا كنت عم أتحاور معه بفرجيه أنا شو بعمل، بفرجيه أنا، أنا شو هي هذه الشخصية، ما إنها هذه الشخصية الضعيفة، أنا الشخصية القوية اللي ممكن تعمل كل شيء بدها إياه. كيف بتشوف حالك اليوم؟ أنا اليوم بعتبر حالي إنسان وصل لمرحلة إنه في يساعد غيره. وأنا يعني في يساعد غيره من نفس الحالة، لأنه أنا عم ساعد هلا ناس عندهم حالات، عم أعطيهم الدعم المعنوي اللي بيكفيهم لحتى ما يمرقوا بهذا الصعوبة اللي أنا مرقت فيها. أهلك فخورين فيك؟ أهلي كثير فخورين فيّ، أهلي هن كانوا السند الوحيد، السند الأكبر، ما فيني أقول الوحيد، السند الأكبر

وا بهذا الصعوبة اللي أنا مرقت فيها. أهلك فخورين فيك؟ أهلي كثير فخورين فيّ، أهلي هن كانوا السند الوحيد، السند الأكبر، ما فيني أقول الوحيد، السند الأكبر اللي بهذه الحياة، هن حملوني من أنا وصغير، هن تحملوا كل التكاليف، عمليات، الويل تشير، الأطراف الاصطناعية، قدموا لي الدعم المعنوي، قدموا لي الدعم المادي، كل شيء بدي إياه أمنوا لي إياه، أهلي هن كل شيء بحياتي. رنيم من المملكة، أنت قوي ولكن كيف يمكن مساعدة ذوي الاحتياجات الخاصة في مجتمع يميز دائماً؟ في شغلة بقولها أنا إنه الإنسان، كل إنسان عنده قدرة، كل إنسان عنده موهبة، بس في يعبر عنها بطريقة مختلفة. فـ بمجتمع يميز، صحيح هذا المجتمع يميز، فيك أنت تفرجيه قدرتك، فيك تفرجيه موهبتك بالطريقة اللي أنت بتحبها، بالطريقة اللي أنت قادر تفرجيها إياها. مثلاً أنا بلعب، أنا بلعب فوتبول، بس أنا ما بلعب فوتبول بإجري.

قدرتك، فيك تفرجيه موهبتك بالطريقة اللي أنت بتحبها، بالطريقة اللي أنت قادر تفرجيها إياها. مثلاً أنا بلعب، أنا بلعب فوتبول، بس أنا ما بلعب فوتبول بإجري. في عندك ناس ما عندها إيدين، بس فيها ترسم بإجرها. فلما أنت تفرجي موهبتك وقدرتك بالطريقة اللي أنت بتحبها، بالطريقة اللي أنت قادر تعملها، الناس لحالها راح تحترمك، الناس ما بقى راح تميزك، وراح راح تعطيك كل احترامها، وتحسك إنه أنت منهم يعني، ما إنك حدا مختلف. كيف بترد على حكي ونظرات الناس؟ أنا بحب، ما بحب رد على الناس بطريقة سلبية، حتى لو هن حكوني أو تطلعوا فيّ بطريقة سلبية، أنا ما بحب رد عليهم بنفس الطريقة. أنا الناس بفرجيهم إنه هن عندهم نظرة، ما بحب أقول لهم غلط، بس سوء تفاهم، نظرة هن يمكن ما بيعرفوا أنا حياتي كيف، فبحب أعرفهم عن حالي، أعرفهم عن هذا الإنسان،

الناس بفرجيهم إنه هن عندهم نظرة، ما بحب أقول لهم غلط، بس سوء تفاهم، نظرة هن يمكن ما بيعرفوا أنا حياتي كيف، فبحب أعرفهم عن حالي، أعرفهم عن هذا الإنسان، أعرفهم عن قدراتي، لحتى يغيروا هذه النظرة، ويعرفوا شو هي النظرة الصح، أو شو هو الحكي الصح اللي لازم ينحكى مع حيا الله إنسان عنده حاجة خاصة، مش ضروري يعني، حتى لو كان ضعيف يقووه ويعطوه الدعم المعنوي. رسالتك لكل الأشخاص اللي فاقدين الأمل بالحياة؟ لكل إنسان فاقد أمل بالحياة، الأمل بيخلق مع الإنسان، مع كل إنسان، بس أنت لازم تعرف كيف تشغله، لازم تعرف كيف تحط هذا الأمل بقلبك. الإنسان ما راح، ما راح يخلق بطبيعة سهلة، ويوصل بطريقة سهلة، راح يواجه صعوبات، راح يواجه تحديات كبيرة، ممكن تدمره أوقات، ممكن توصله لمراحل إنه يوصل بده ينتحر، ما بده خلص، ما بقى بده يعيش.

هلة، ويوصل بطريقة سهلة، راح يواجه صعوبات، راح يواجه تحديات كبيرة، ممكن تدمره أوقات، ممكن توصله لمراحل إنه يوصل بده ينتحر، ما بده خلص، ما بقى بده يعيش. بس لما توثق بحالك، لما توثق بقدرتك، لما توثق بأنك إنسان، لما توثق بأنك فيك تعمل اللي بدك إياه، لما تحط الأمل بقلبك، لما تحط الإرادة بعقلك، وتشغل عقلك، لحتى توصل للي بدك إياه، كل شيء راح يكون جاهز لك، أنت راح تواجه كل الصعوبات، راح تواجه كل التحديات، وما في شيء راح يوقف قدامك. شي مرة فقدت الأمل؟ كل إنسان بس يوصل لمراحل صعبة، لتحديات صعبة، أكيد ممكن فترة صغيرة تمرق إنه هو يفقد الأمل. هلا أنا ما بعتقد إنه في فترات طويلة، بس إنه ممكن لساعة، لساعة ونصف، لساعتين، أمرق بفترة إنه خلص، ممكن ما بقى فيّ كفي بهذه الشغلة، بس لا، ثابر وفكر بهذه الشغلة أكثر،

قد إنه في فترات طويلة، بس إنه ممكن لساعة، لساعة ونصف، لساعتين، أمرق بفترة إنه خلص، ممكن ما بقى فيّ كفي بهذه الشغلة، بس لا، ثابر وفكر بهذه الشغلة أكثر، لحتى يكون عندي هذا الأمل، وأوصل للي بدي إياه. هبة من سوريا، أنا عندي إعاقة ومأثرة عليّ بس ما قادرة أتحمل، كيف ممكن صير أقوى؟ الإعاقة ما إنها شيء بيوقف الإنسان، وأنا يعني برهنت لحالي هذا الشيء، ما عم أقول بدي برهن للناس، أنا برهنت لحالي هذا الشيء، إنه الإعاقة ما إنها شيء بيوقف الإنسان. لما توثقي إنه يا هبة، لما توثقي بحالك، لما توثقي بقدرتك، حتى لو كان عندك إعاقة شو ما كانت، لو كان عنده الإنسان شلل بجسمه كاملاً، ما لازم يوقف على شيء، الإنسان لازم يحط أمل، لازم يحط إرادة، لازم يحط طموح، شو ما كانت ظروفه، شو ما كانت إعاقته، يا هبة الإنسان بعقله، وأبداً ما إنه بجسمه.

ازم يوقف على شيء، الإنسان لازم يحط أمل، لازم يحط إرادة، لازم يحط طموح، شو ما كانت ظروفه، شو ما كانت إعاقته، يا هبة الإنسان بعقله، وأبداً ما إنه بجسمه. ما هي هوايتك المفضلة؟ كثير عندي هوايات، أنا كثير بمارس أشياء بهذه الحياة. رياضياً بلعب فوتبول، بسباح، يعني رياضات مختلفة. بحب أكتب، بحب أكتب للناس، يعني عن هذا المجتمع، بحب أكتب كيف ممكن المجتمع يتقبل هدول الناس، كيف ممكن المجتمع ينظر لهدول الناس، يعني ما ينظر لهم بشفقة، ينظر لهم بـ أمل، بطموح. ما هي طموحاتك المستقبل؟ طموحي كثير كبير الصراحة، عندي كذا طموح. أكيد الطموح الأكاديمي إني أنا أوصل بالجامعة، إني أنا يكون عندي وظيفة مثلي مثل كل إنسان بلبنان، وطموحي الرياضي إنه أكون متفوق بأشياء رياضية، طموحي الاجتماعي إني ساعد كل إنسان عنده إعاقة، أو ما عنده إعاقة،

يكون عندي وظيفة مثلي مثل كل إنسان بلبنان، وطموحي الرياضي إنه أكون متفوق بأشياء رياضية، طموحي الاجتماعي إني ساعد كل إنسان عنده إعاقة، أو ما عنده إعاقة، بس عنده مشكلة نفسية، ما عنده أمل، أنا مستعد ساعده بكل الطرق المعنوية لحتى يكون عنده هذا الأمل، ولحتى يوصل للي بده إياه. شو بتعتبر إنه إنجاز بالنسبة لك وقدرت تتجاوزه بوضعك؟ بعتبر إنه لحد هلا كل شيء عملته إنجاز، يعني أنا كل ما أقطع مرحلة، كل ما أعمل شيء جديد بالنسبة لي، بعتبره إنجاز. يعني مثلاً شهادة البريفيه، هذا بعتبرها إنجاز. لما أنا ألعب فوتبول أو أعمل رياضة، هذا إنجاز، لما ساعد غيري، هذا كمان إنجاز. فكثير أنا إنجازات عملتها بحياتي بعتبرها، بعدنا بأول حياتنا طبعاً. وإني أتحدت حالي، هذا أكبر إنجاز. ليه ما بتركب طرف؟ سارة. أنا عندي طرف، صراحة أنا عندي طرف، وبس أنا ما بعرف، بحس إنه أنا أحلى هيك. ما بعرف إذا الناس بيعتبروا هيك، بس أنا بعتبر هيك، إنه أنا أحلى بلا الطرف، صح إنه بلبس الطرف أوقات، وأوقات بمشي عليه وعم بتمرن عليه، بس بحس حالي حر أكتر بلا الطرف، وبحس حالي أحلى.

يك، بس أنا بعتبر هيك، إنه أنا أحلى بلا الطرف، صح إنه بلبس الطرف أوقات، وأوقات بمشي عليه وعم بتمرن عليه، بس بحس حالي حر أكتر بلا الطرف، وبحس حالي أحلى. مين هو مثلك الأعلى؟ علي. أنا في اتنين مثلي الأعلى بهالحياة، أول مثل أعلى اللي هو كان حدي من لما خلقت لهلأ، واللي ساعدني، واللي وصل معي، واللي واجه معي كل التحديات اللي أنا واجهتها، واللي هو بابا، بابا. تاني مثل أعلى هو نيك فويتشيتش، هو هيدا الإنسان من أستراليا، اللي خلق من دون إيدين ورجلين، كمان هو إنسان كان ضعيف بحياته وهو وصغير، وانقلبت حياته كلها وصار إنسان كتير عالمي، إنسان اجتماعي رائع، إلهام بالنسبة لكل الناس. لكل شخص عم يتعذب شو بتقله؟ العذاب بالنهاية بيخلص، ما في عذاب بيضل للآخر، الإنسان إذا حط براسه إنه أنا بدي أظهر من هيدا العذاب، رح يظهر من هيدا العذاب، إذا الإنسان حط كل ثقته بحاله، حط كل شي ممكن هو يعمله، رح يظهر من هيدا العذاب، كل إنسان إذا هو كان عنده هيدا الطموح، إذا كان عنده هيدي الإرادة، رح يتخلص أكيد من هيدا العذاب، وإذا هو ما قدر لحاله، يبحث عن حدا غيره، حدا يساعده، حدا يكون ملهم إله لحتى يتخلص من كل شي صعوبة، من كل شي عذاب ممكن يواجهه بحياته.

كيد من هيدا العذاب، وإذا هو ما قدر لحاله، يبحث عن حدا غيره، حدا يساعده، حدا يكون ملهم إله لحتى يتخلص من كل شي صعوبة، من كل شي عذاب ممكن يواجهه بحياته. بتشوف الحياة عادلة؟ الحياة عادلة، الحياة بالنسبة إلي كانت أكتر من عادلة، الحياة بالنسبة إلي كانت روعة، الحمد لله إنه أنا خلقت هيك، هيدي نعمة، نعمة إنه أنا خلقت من دون أطراف، والحياة كانت بالنسبة إلي أكتر من عادلة. فكرت بفتاة أحلامك؟ ما اعتبرت حالي إنسان مختلف لحتى ما فكر بهيدا الشيء، كل إنسان، كل صبي بيفكر بهيدا الشيء، يعني عادي أنا مشاعري بعدها متل ما هي، رح فكر متلي متل أي صبي تاني. بدي وجه تحية بس لكل إنسان عم يحضرني هلأ، بدي قلهم إنه أنا استلهمت من غيري، أنا عطيت الثقة لحالي، أنا حطيت الأمل بقلبي، بعقلي، إنه أنا ممكن أوصل، إن شاء الله أنا بهاللايف هلأ كون فدت غيري، كون كنت إلهام لغيري، على القليلة لو شخص واحد بس تعلم من هيدا الشيء أو استفاد من هيدا الشيء، أنا كتير كتير كون مبسوط، شكراً إلكم جميعاً، شكراً لكل إنسان وقف حدي، شكراً لكل رفيق، لكل معلم، لكل شكراً لأهلي، شكراً لكل حدا وقف حدي.

من هيدا الشيء، أنا كتير كتير كون مبسوط، شكراً إلكم جميعاً، شكراً لكل إنسان وقف حدي، شكراً لكل رفيق، لكل معلم، لكل شكراً لأهلي، شكراً لكل حدا وقف حدي.