تكرهون الفقر؟ شاهدوا كيف حول هذا الرجل إلى بطل عالمي!

أنا اسمي محمود الدرة، لاعب كمال أجسام محترف، بنافس في بطولة المستر أولمبيا اللي هي أعلى درجة منافسة عالمياً في مستوى الاحتراف. بدأت مشواري في مصر، أنا كنت طالب هندسة، دخلت هندسة مش بإرادتي يعني، كان والدي هو دخلني فيها وكان عايزني أبقى مهندس. وأنا كنت ساعتها فنان، كنت برسم كوميكس كتير وحاجات زي كده يعني. ومن الكوميكس دي، طبعاً أنا كاره هندسة والعملية يعني كل يوم بالنسبة لي جحيم رايح جاي، فكنت عايز نوع من المخرج، فأظن الكوميكس أو الكارتونات اللي أنا برسمها، أو أشكال جسمهم، خلاني أفكر طب يعني خليني أحاول أبقى زي الكاريكترز دي. فبدأت أروح الجيم، وبعديها بسنة بدأت مشواري في البطولات، دخلت على طول بطولة الجامعات بعد سنة، وكسبتها بعد أربع سنين، وساعتها طبعاً كمال أجسام بدأت تبقى جزء من حياتي يعني.

بعديها بسنة بدأت مشواري في البطولات، دخلت على طول بطولة الجامعات بعد سنة، وكسبتها بعد أربع سنين، وساعتها طبعاً كمال أجسام بدأت تبقى جزء من حياتي يعني. الصعوبات بدأت لما هاجرت، بعد ما اتخرجت اتجوزت على طول، وصدفة مراتي خلفت في كندا، كانت في كندا ساعتها، ودي كانت ساعتها جاتلي بقى الفرصة إن أنا أسافر، فطبعاً ساعتها بقى كنت لازم أقرر يعني هل أكمل في الشغلانة بتاعتي، مستقر في وسط أهلي في وسط أصحابي، عندي مكان أسكن فيه، ولا أروح كندا وأبتدي من الأول؟ وطبعاً في الغرب، ما فيش حاجة شور، ما فيش حاجة مضمونة، عكس ما الناس فاكرة تماماً، أنا برضه كنت فاكر في الأول إن أنا لما أسافر كانت العملية تسلك وكل الأحلام هتتحقق وكل ده. لما سافرت، دي ساعتها المشاكل بدأت يعني. ما كنتش لاقي شغل خالص، فأول شغلانة كانت عندي كنت بمسح عربيات في بنزينة وببيع المنتج اللي بينضف العربيات بيه، كنت ببيع كل كان،

اعتها المشاكل بدأت يعني. ما كنتش لاقي شغل خالص، فأول شغلانة كانت عندي كنت بمسح عربيات في بنزينة وببيع المنتج اللي بينضف العربيات بيه، كنت ببيع كل كان، والله مش فاكر، كان تقريباً الاتنين كانز بـ 10 دولار أو حاجة زي كده يعني. فدي كانت أول شغلانة ليا وكانت في أول سنة. طبعاً بعد فترة حاولت أقدم شغلانة هنا شغلانة هنا، اتقبلت في شركة وكان المرتب ما كانش وحش، بس اترفت بعد شهرين ونص، وكان السبب إن حسوا إن تركيزي في حاجة تانية يعني، مع إن أنا كنت يعني كان في امتحانات أول تلات شهور، وكنا زي فصل في مبيعات، وكنت أنا الوحيد اللي باعت حاجة. بس أنا الوحيد اللي ما كملوش معايا، وأنا فاكر ساعتها المدير كان بيغلس عليا بطريقة بشعة. ومش عارف ليه، ما كنتش فاهم ليه، يمكن عشان كان جسمي عضلات شوية فما كانتش يعني ماشية مع السيستم بتاع الكوربوريشنز يعني أو الشركات الكبيرة يعني، ما كانش منظر ليهم يعني، يمكن.

فاهم ليه، يمكن عشان كان جسمي عضلات شوية فما كانتش يعني ماشية مع السيستم بتاع الكوربوريشنز يعني أو الشركات الكبيرة يعني، ما كانش منظر ليهم يعني، يمكن. طبعاً بعد ما اترفت، قررت إن أنا أرجع كمال أجسام تاني أنافس، وكنت متأهل لبطولة كندا كلها، اللي هي اسمها الكانيديان ناشونالز، وكنت متأهل لأن قبل ما أسافر كندا، كنت اشتغلت شوية في عمان، وكنت دخلت بطولة عمان وأخدت مركز رابع على بطولة السلطنة بتاعة عمان كلها، فلأن أنا من أول خمسة فبتأهل لأي بطولة تبع الاتحاد الأصلي بتاع كمال أجسام. فلما رُحت قلتلهم هل يعني لازم أخش بطولات الأول أو حاجة زي كده؟ قالولي لا أنت متأهل على طول. وساعتها بقى كانت الدنيا صعبة جداً. لقيت شغلانة تلي سيلز، تقعد تكلم وتحاول تبيع لناس حاجات والناس تقفل في وشك، وكانت في وسط البلد، وكان أنا فاكر إن ده كان الموضوع ده في الشتا.

صعبة جداً. لقيت شغلانة تلي سيلز، تقعد تكلم وتحاول تبيع لناس حاجات والناس تقفل في وشك، وكانت في وسط البلد، وكان أنا فاكر إن ده كان الموضوع ده في الشتا. فكنت بدأت أجهز البطولة في 2012، وكنت باخد أتوبيسين واتنين مترو عشان أوصل للشغل في حرارة تحت الصفر بـ 40، ونفس الحاجة راجع، وكنت برجع البيت باكل، كنت ساعتها مخلف زين وتاليا، وبدخلهم النوم بلعب معاهم شوية، وبعدين بطلع الجيم، وكنت بنام مثلاً خمس ساعات. وطبعاً الفلوس كانت صعبة جداً لأن حتى الشغلانة دي كان المرتب بتاعها اللي هو يعتبر مينيمم ويدج، يعني أقل حاجة مسموح إن هي تتدفع في البلد. فالظروف كانت صعبة جداً. في 2012 أخدت بطولة كندا من أول مرة، مع إن أنا اتقالي إن مش هتعرف تتعمل يعني لأن مش معروف سياسياً وجديد في البلد، فيعني كنت لازم آجي في مستوى يبهر الحكام يعني، وعملت كده فعلاً وأخدت البطولة من أول مرة. هنا بقى الغريب إن الواحد هيفتكر طبعاً إن السكة هتبتدي تفتح شوية،

عني كنت لازم آجي في مستوى يبهر الحكام يعني، وعملت كده فعلاً وأخدت البطولة من أول مرة. هنا بقى الغريب إن الواحد هيفتكر طبعاً إن السكة هتبتدي تفتح شوية، بس المشكلة إن حصل العكس تماماً، أيوة نعم سمعتي بدأت تطلع وبدأت في الكوتشينج شوية يعني، بدأت أمرن شوية ناس أجهزهم بطولات، وبدأت أنجح في الموضوع ده بس حياتي الشخصية بدأت تنزل لتحت. يعني كنت ما كانش في مكان أسكن فيه، وكنت لازم أجيب شقة جديدة، وما دخلتش بطولات بقالي من ساعة 2012، لأن كنت بحاول أدور على شغل، يعني حاجة فعلاً تجيب، لازم كأب أشيل عيلتي يعني، فالموضوع ده كان صعب جداً. فحاولت أقدم في شركات بترول، اتقبلت في شركة كبيرة، والحظ الغريب إن البريمة اللي أنا كنت المفروض أروح أشتغل فيها اتحرقت، فقصة غريبة جداً، أنا أصلاً نفسي كنت مستعجب يعني. دي من الحاجات اللي كمان كسرتني لتحت شوية، وفي آخر 2014 لما قررت إن أنا أرجع لكمال أجسام مرة تانية، حصلي حريقة.

ة جداً، أنا أصلاً نفسي كنت مستعجب يعني. دي من الحاجات اللي كمان كسرتني لتحت شوية، وفي آخر 2014 لما قررت إن أنا أرجع لكمال أجسام مرة تانية، حصلي حريقة. البيت الشقة اللي أنا كنت فيها مسكت نار في كنا بنطبخ حاجة، وطبعاً رجليا كلها اتحرقت، ودي أظن كانت من أوحش وأصعب السنين ليا لأن اضطريت أبتدي من الأول، بس أنا فاكر لما كنت في المستشفى، كنت أنا اتجوزت تاني، وقلت لمراتي تجيب الكاميرا بتاعتي، فقالتلي عايز أكلم والدك أو حاجة، قلتلها لا صوري المنظر ده، أنا عايزك تصوري المنظر ده لأن أنا في دماغي مش هسيب فرصة زي دي تروح مني. فأنا قررت إن أنا أقلب الحاجة السلبية الكبيرة دي إلى حاجة تانية إيجابية جداً لأن أنا في دماغي أوكي أنا منظري دلوقتي محروق، حياتي مدهورة، ما فيش شغل، فأنا هعمل مونتاج من اللقطة دي دلوقتي اللي هو في قاع البحر، وإن أنا أطلع تاني إن شاء الله وأصور رجوعي تاني، وهنا أظن الحياة بدأت تتحسن شوية.

ا فيش شغل، فأنا هعمل مونتاج من اللقطة دي دلوقتي اللي هو في قاع البحر، وإن أنا أطلع تاني إن شاء الله وأصور رجوعي تاني، وهنا أظن الحياة بدأت تتحسن شوية. وهو دايماً بيقولك لازم لازم الدنيا تظلم أوي قبل ما الشمس تطلع. فـ 2015 رجعت وأخدت بطولة كندا لتاني مرة في وزن أعلى. في 2016، هنا بدأت أركز وأشتغل على الناحية التجارية بتاعة مجال الفيتنس، وفتحت أول فتحت شركة سابليمنتس، وأظن كنت من أول ناس في الشرق الأوسط يفتحوا تبقى شركة سابليمنتس شركة مكملات من واحد عربي. وفي نفس السنة في 2016 كسبت بطولة أمريكا الشمالية في وزن الـ 90 كيلو. في 2017، كسبت وزن الـ 90 كيلو مرة تانية لبطولة أمريكا الشمالية كلها اللي هي مكسيك وكندا وأمريكا والجزر اللي حوالين أمريكا، وساعتها احترفت، أخدت كارت الاحتراف في 2017، وأظن أظن دي كانت من من

لبطولة أمريكا الشمالية كلها اللي هي مكسيك وكندا وأمريكا والجزر اللي حوالين أمريكا، وساعتها احترفت، أخدت كارت الاحتراف في 2017، وأظن أظن دي كانت من من من أكتر اللحظات مؤثرة ليا، بس أظن اللحظة المؤثرة الأكبر كانت سنة 2018 كلها من أولها لآخرها، بعت شركة المكملات بتاعتي، لأن قررت إن أنا كنت عايز أركز في الكوتشينج أكتر، وساعتها كنت كان عندي عملاء بكمية كتيرة جداً، والموضوع قلب شركة كوتشينج، بقت شركة لتدريب الناس وتنظيم الدايت والمكملات الغذائية وإلى آخره. فدي كانت خطوة حلوة جداً، فناحية المكملات كانت متعبة أوي وكانت واخدة تركيز وأنا كنت عاوز أركز في موضوع الكوتشينج والبطولات بتاعتي طبعاً، فبعت الشركة، والحمد لله في نفس السنة مضيت عقد إن أنا أكون سبونسرد من أكبر شركات في أمريكا، ريدكون وان. وفي نفس السنة اللي أنا مضيت فيها العقد، دخلت أول بطولة محترفة ليا، وأنا فاكر الكومنتس والتعليقات بعد ما احترفت، الناس قالت إن أنا مش هعرف أسد مع المحترفين،

فس السنة اللي أنا مضيت فيها العقد، دخلت أول بطولة محترفة ليا، وأنا فاكر الكومنتس والتعليقات بعد ما احترفت، الناس قالت إن أنا مش هعرف أسد مع المحترفين، وإن هي تقيلة عليا. فقررت إن أنا أخش بطولة نيويورك برو، اللي هي كانت تعتبر تاني أو تالت أصعب بطولة محترفة في العالم، ودي كانت أول بطولة ليا، وعادةً كل الكنديين اللي احترفو اللي دخلوا البطولة دي، أخدوا مراكز في الأواخر يعني، مركز 16، مركز برة أول أول 10. ودي كانت أظن أكتر لحظة مؤثرة في في الكارير بتاعي في مهنتي، في بطولة نيويورك أخدت رابع من أول مرة. فكملنا، قررنا إن إحنا نكمل ودخلت بطولة تورونتو برو، بطولة محترفة تانية في كندا، وأخدت مركز تالت، دي كانت أول ميدالية محترفة ليا. وقررنا إن إحنا نخش بطولة تانية، ساعتها كنت تعبان جداً أنا فاكر، بس قلنا يلا يمكن ناخد مثلاً ميدالية فضية تاني يعني.

ت، دي كانت أول ميدالية محترفة ليا. وقررنا إن إحنا نخش بطولة تانية، ساعتها كنت تعبان جداً أنا فاكر، بس قلنا يلا يمكن ناخد مثلاً ميدالية فضية تاني يعني. وفي بطولة فانكوفر برو أخدت أول. وعشان تتأهل لمستر أولمبيا، لازم تكسب بطولة محترفة أو ممكن تعملها بتجميع نقط، بس طبعاً أشيك طريقة إن أنت تخش بطولة المستر أولمبيا هي بأن أنت تكسب بطولة محترفة وتعتبر من أحسن 15 لعيب اللي في العالم اللي داخلين البطولة دي. فطبعاً ساعتها أنا أنا ما كنتش مصدق يعني، من أول سنة احتراف إن أنا وصلت لمستر أولمبيا يعني، وأظن دي كانت دي كانت طبعاً من من أحسن لحظاتي وذكرياتي كمان. طبعًا بعد كل ده ال ال البزنس بتاعي كبر جدًا، الشركة الكوتشنج بتاعتي كبرت، جالي عقود من شركات تانية مضيت معاهم. والحمد لله الدنيا الدنيا اتغيرت طبعًا تمامًا من ساعة ما سافرت يعني.

بتاعي كبر جدًا، الشركة الكوتشنج بتاعتي كبرت، جالي عقود من شركات تانية مضيت معاهم. والحمد لله الدنيا الدنيا اتغيرت طبعًا تمامًا من ساعة ما سافرت يعني. الموضوع خدله 10 سنين بس بس الواحد لما بيتعب تعبه بيتردله. الرياضة مهمة جدًا لأي طفل لأي طفل لأن بتعلم بتعلم الطفل الالتزام، بتعلم الطفل إن هو يكون مركز في حاجة وبتعلم الطفل إن هو يعمل أهداف، أهم أهم حاجة الواحد يعمل هدف في حياته، لأن لو معندكش هدف أو معندكش حتى العادة إن أنت يكون ليك أهداف معينة حتى مش شرط أهداف بعيدة بس أهداف قصيرة دي بتعلمك إن أنت تبقى لما تيجي تكبر بتعمل أهداف بعيدة. لو معندكش أهداف في حياتك بتبقى تايه، بتبقى تايه أنت مبتبقاش عارف أنت عايز إيه، بتبقى طبعًا ماشي على خطة والدك أو والدتك هما بيكونوا راسمنلك حياتك، بس أنا معتقدش إن إن الواحد ممكن يبقى سعيد لو عاش حياة

ت مبتبقاش عارف أنت عايز إيه، بتبقى طبعًا ماشي على خطة والدك أو والدتك هما بيكونوا راسمنلك حياتك، بس أنا معتقدش إن إن الواحد ممكن يبقى سعيد لو عاش حياة مش الحياة اللي هو عايز يعيشها. والرياضة أظن مهمة جدًا وبتفيد الطفل بأن هو يبتدي يكون واعي من الحاجات اللي هو بيحبها ويكون واعي هو عايز إيه من حياته أو عاوز يشتغل إيه أو عاوز يكون فين لما يكبر. فأنا عشان كده رأيي الرياضة مهمة جدًا. لو هدي رسالة لأي حد بيتفرج، أهم حاجة الاستمرارية، الاستمرارية والتزام إنك تمشي على خطة، تعمل خطة وتمشي عليها عشان تحقق الهدف بتاعك، وربما حت حتواجه مشاكل كتير، هتحسسك إن أنت مش شرط بتتقدم بس بتاخد خطوات ورا. متغيرش الهدف بس غير الخطة، لأن في الأول وفي الآخر التعب اعتبره عربية وفي الآخر هينزلك في شارع الحظ، وأنا ب بقول موضوع

ش شرط بتتقدم بس بتاخد خطوات ورا. متغيرش الهدف بس غير الخطة، لأن في الأول وفي الآخر التعب اعتبره عربية وفي الآخر هينزلك في شارع الحظ، وأنا ب بقول موضوع شارع الحظ ليه؟ لأن ناس كتيرة طبعًا بتقول أنت حظك حلو إن أنت سافرت، لو أنا مكنتش جاهز إن أنا أنافس في بطولة كندا، كل ده مكنش هيحصل، والتجهيز بدأ من مصر، أنا كنت بتمرن جامد أوي وملتزم جامد أوي من أيام مصر، فأنت متعرفش حياتك هتكون فين، طريقة سلبية جدًا إن الواحد يفكر أنا مش هنجح إلا لو سافرت أو مش هنجح، أنت متعرفش إيه اللي هيحصل كمان سنتين، متعرفش حياتك هتبقى فين كمان سنتين. يمكن تتجوز واحدة وتسفرك، أنا أنا صدفة ابني اتولد برة، يمكن يحصل معاك نفس الحاجة، يمكن تدرس حاجة وتاخد منحة برة. أهم حاجة إن أنت تجهز نفسك لأي موقف ممكن يغير فيه حياتك، الفكرة إن أنت متعرفش الموقف ده هييجي امتى،

حصل معاك نفس الحاجة، يمكن تدرس حاجة وتاخد منحة برة. أهم حاجة إن أنت تجهز نفسك لأي موقف ممكن يغير فيه حياتك، الفكرة إن أنت متعرفش الموقف ده هييجي امتى، بس لما ييجي لازم تكون جاهز، والطريقة اللي أنت تجهز بيها إن أنت تكون راسم خطة من الأول، عارف أنت عايز إيه، وماشي على السكة دي إن أنت توصل للهدف بتاعك، الحاجات اللي بتحصل في النص ده ده جزء من المشوار، جزء من المتعة، يمكن حياتك بتبتدي صعبة، أنا مشواري لما بدأ في كندا كان مشوار صعب جدًا، فأوكي يعني ممكن بداية قصتك مش في إيدك، بس أنت اللي بتكتب النهاية.